Eiruk thubuaiah SKorea PM hlui thiam loh chang

30th January, 2016

South Korea Prime Minister hlui, Lee Wan-Koo chu eiruk thubuaiah nimin khan thiam loh chantir a ni a, thla riat chhung lung-in tang tura hrem a ni. Mahse a tan hun tur hi kum hniha tihkhawtlai sak a ni ang.

Sumdawng lian pakhat, Sung Wan-Jong-an chanchinbu pakhatin a kawmnaah Lee Wan-Koo hi MP a nih laiin won maktaduai 30 a pek thu a sawi a, hei vang hian nikum April thla khan Lee hi PM a nihna aṭangin a bang a ni.

Sung hi a hnuah a intihlum a, lehkha a hnutchhiahah official dang eng emaw zat thamna sum a pekte hming a ziak lang a, an zingah hian President Park Geun-hye thawhpui hnai tak takte pawh an tel.