Syria eptute'n peace talk boycott

Syria eptute chuan an ramchhung buaina chinfel dan ngaihtuah tura Geneva-a peace talk neih tur chu an boycott tih an sawi.

Inbiakna neiha eptu pawl team deputy chief, George Sabra chuan Geneva-ah hian inbiakna nei turin an kal dawn lo a, eptu pawl aiawhte an tel loh chuan inremna pawh siam theih a ni dawn lo a ni, a ti. "Ramchhunga harsatna kan tawh mekte hi chinfel anih hunah Geneva chu kan pan nghal ang," a ti.

Eptu pawl, High Negotiation Committee (HNC) chuan Ningani khan meeting neiin, an rama thlawhtheihna hmanga beihpui thlaknaa civil mi tam tak thihna a thlen reng avang leh, pawisawi lo mi tam tak ei leh in tur mumal nei loa an awm avangin peace talk-a tel loh hi an rel a ni.