Caracas khawpuiah tharum thlawhna hluar ber

Venezuela khawpui, Caracas chu kum 2015 chhunga khawpuia tharum thawh hluarna ber a ni.

Mexico City-a hmun≠pui nei, Council for Public Security and Criminal Justice-in zirchianna a neihah, kum 2015 chhung khan mi maktaduai 3.3 chenna, Caracas khawpuiah hian mi kut tuara thi mi 3,946 an awm.

Report-in tharum thawh thlen hluarna khawpui 50 a tihchhuah zing khawpui 41 chu Latin America rama mi niin, Brazil rama khawpui 21 zet an lang. South Africa ram khawpui pali- Cape Town, Durban, Nelson Mandela Bay leh Johannesburg bakah Jamaica khawpui Kingston pawh a lang. US khawpui pali an lang tel bawk a, chungte chu St Louis, Baltimore, Detroit leh New Orleans-te an ni.

Caracas khawpui dawta tharum thawh hluarna dang chu Honduras-a San Pedro Sula leh, El Savador khawpui San Salvador-te an ni. Heng khawpuiahte hian silaia inkahna leh, misual pawlte pawikhawihna a hluar hle.

Pawikhawihna thlen hluarna khawpui 10 zingah hian Central leh South America rama khawpui pakua an lang a, South Africa-a Cape Town a lang tel bawk.