Eirua puhna lakah Malaysia PM a fihlim

Malaysia Prime Minister Najib Razak chu sum tam tham tak eirua puhna lakah a fihlim niin a attorney-general chuan a sawi.

Kum 2013 inthlanpui an neih hma lawk khan PM bank account-a sum tam tham dahluh nia sawi a ni a, he pawisa hi sorkar company pakhat aṭanga lakpen nia sawi a ni bawk. Mahse PM chuan a mimal thil atan sorkar sum a pawtpeng lo tih a lo sawi tawh a ni.

Attorney general, Mohamed Apandi chuan PM hnena sum petu hi Saudi lal chhungkua ami a nih thu sawiin, dollar maktaduai 680 a pe a ni, a ti. Mahse sum a pek zinga dollar maktaduai 620 hi thla reilote hnuah Saudi lal chhungkaw hnenah hian pek kir leh a ni a, a chhan erawh tarlan a ni lo.

Saudi lal chhungkuain Malaysia PM hnena sum tam tham tak an pek chhan hi hriat a ni lo a, mahse hei hi Saudi lal hlui King Abdullah thupek anga pek nia sawi a ni. He pawisa hi Najih leh a thawhpui ṭang≠rual pawlte'n inthlana an chak theihna tura mithiam tak takte an rawih theihna atan te, party campaign kaltlanga social program hrang hrang an kalpuina atana tih a ni.

Malaysia ramin Saudi lal chhungkua hnen aṭanga sum tam tham a dawng hi thil mak vak a ni lo nia sawi a ni. Morocco, Egypt leh Sudan ramte pawhin Saudi lal chhungkaw hnen
aṭang hian ṭanpuina dollar matkaduai 100 an lo dawng tawh a ni. Jordan ram pawhin development fund atan dollar tluklehdingawn khat chuang a dawng bawk.