SKorea-in missionary-te chhawr ṭangkaia puhna a hnawl

South Korea chuan a missionary-te kaltlanga North Korea dodalna campaign kalpuia an puhna chu thu dik lo a nih thu a sawi.

Thawhlehni khan North Korea chuan Uriminzokkiri website-ah an rama South Korea mi t‚ng mek zinga pakhat, Kim Kuk-Gi thusawi nia sawi video a tichhuak. Kim hi kum 2015 khan SKorea intelligence service tana thawka puhin man a ni a, damchhung tang tura hrem a ni.

Video hi minute 15 awh a ni a, hetah hian Kim chuan SKorea National Intelligency Service (NIS) thupek anga thawk a nih thu a sawi. Kim chuan NIS hnuaia NKorea sawichhiat hna kalpui mekah chuan South Korean Kristian group eng emaw zat an inrawlh niin a sawi bawk.

Kim chuan, "South Korea Kristian hruaitute chuan meeting buatsaihin, thupha chawina lehkha pawh an thawn ngei tur a ni," a ti.

North Korea hian an rama ramdang mi tangte inpuanna video leh lehkha nia sawi chu a tichhuak fo a ni.

Kim man a nih thu hi nikum March thla khan puanzar a ni chauh a, China ramri, Dandong khuaa underground church aṭangin North Korea sorkar duhdan kalha rawngbawl ṭhinah puh a ni bawk.