Pak-ah firfiak vangin zirna in khar

Kar hmasa lama Taliban firfiakten an beih, Bacha Khan University chu tiamchin awmloa khar a ni. University thuneitute chuan thawktuten ralthuam kawl phalsak an ngiat bawk. Firfiakten Bacha Khan University an luhchilh khan mi 21 in nunna an chan a ni.

Bacha Khan university registrar Hamidullah Khan chuan "Thawktute hnenah sorkar hian invenhimna ralthuam pe se, silai neih phalna pawh min pe nghal rawh se" a ti.

University thupuangtu chuan tiamchin awm loin university hi an khar thu a puang a, inbeih thutna khan zirlaite rilru lam a nghawng nasa tak zet tih a sawi.

Hetih lai hian Pakistan thuneitute chuan Punjab ram bial chhunga sikul zawng zawng pawh firfiakte beih hlauhthawn thuah an khar vek a ni.

Taliban firfiak 13 zet chu Afghanistan ah chher hriam an ni a, Pakistan ram chhunga sikulah thihchilh bomb tihpuah an tum ngei nia an hriat thu Intelligence lam chuan an sawi.

Punjab bial education minister Rana Mashood Ahmad chuan January thla pum sikul khar a nih tur thu sawiin, sikul khar a nih chhan tur chu thlasik khawvawt lutuk leh chhum lei vak tam vang a ni a ti.