Taliban firfiak te'n Afghan police te an bei

Afghanistan ram chhim lamah nimin khan Taliban firfiakte chuan police pakhat chu lamṭangah siamin, a thawhpuite damdawiin an hrai ruihtir a, hemi hnu hian police 10 an kahhlumtir bawk.

Taliban firfiakte hian Uruzgan province, Chinarto district-a police outpost chu luhkhungin, ralthuamte an ruchhuak nghal.

Uruzgan governor thupuangtu, Dost Mohammad Nayab chuan fir≠fiakte chet dan an chhui≠na aṭanga an thil hriat≠te tarlangin, firfiakte hi police pakhatin a thawhpui tih an hriat thu a sawi a, firfiakte thawh≠pui police pakhat hian a thawhpuite chu dam≠dawia a hrai ruih thu leh nikhaw hre loa an awm hnuah a kahhlum thu a sawi.

Deputy provincial police chief, Rahi≠mul≠lah Khan chuan pawi≠khawihtute chu an um≠zui nghal thu sawiin, beihpui thlaka dap≠chhuah an tum thu a sawi.

Hetihlai hian Taliban thupuangtu, Zabihullah Mujahid chuan Chinarto police outpost chu fir≠fiakte'n an lak hnuah police pakua an kaphlum a ti.

NATO sipaite'n Afghan sipaite nen ṭang≠ruala Afghanistan firfiakte an beihnaah khan anmahni lamṭang vek, Afghan sipai emaw police te'n an inrinlawk loh laia an lo bei ṭhin kha thil harsa tak a ni tih an lo sawi tawh a ni.

Kumin January 17 khan Uruzgan-a Afghan police pakua chu firfiakte lamṭang, police pali-in an lo kaphlum tawh bawk.