NKorea-in US sipai a man a chhuah

North Korea chuan kumin July thlaa an rama lut, US sipai a man private Travis King chu China ramah a thawn hnuah, US kuta hlanin US-ah thawn haw a ni tawh niin US official-te chuan an sawi.

Kum 23 mi, King hi July 18 khan civil tour an neih ṭumin South Korea aṭangin ramri kanin NKorea Korea lamah a lut a, NKorea thuneitute'n an lo hreng zui nghal a ni. NKorea KCNA state news agency chuan King hi US society-a inthliarna awm duh loin dan loin an ramah hian a lut niin a sawi. Ramri a kan chhante an chhui chian hnuah, thla hmasa khan King hian US army-ah chi inthliarna a nasat avangin North Korea emaw, ram dangah emaw awm a duh zawk tih a sawi a ni, a ti. Hemi hnu hian NKorea sorkar hian King chu an ram aṭangin a hnawtchhuak dawn tih a a sawi.

Sweden sorkar hmalaknain King hi North Korea aṭangin China-ah hruai a ni a, Beijing-a US ambassador a hmuh hnuah, US lamah thawn haw a ni. King hi South Korea-a US sipai 28,000 dah mek zinga mi a ni. Mi kutthlak chungchanga thiam loh chantira tantir a nih hnuah July thla khan chhuah a ni a, Fort Bliss, Texas pan tura tih a ni laiin NKorea ramah hian a lut a ni.