Israel-in Gaza ramri a hawng

Israel sorkar chuan nimin khan Gaza ramri a hawng a, Palestinian mi sang tel chu Israel leh West Bank-a hna thawk turin an kal chhuak leh thei ta.

Ramria buaina chhuak avangin Israel chuan Gaza crossing hi kar hnih dawn a lo khar tawh a ni. Israel thuneitute chuan Gaza Strip-a cheng, mi 18,000 vel chu Gaza pawn lama hna thawh phalna a lo pe tawh a ni.

Israel defence ministry agency, Cogat chuan ramri chu hawn chhunzawm zel a nih dawn leh dawn loh chungchangah boruak awm dan an thlithlai phawt dawn tih a sawi. Hetih lai hian Gaza-a rorel lai, Islamist Hamas group chuan Israel chu Gaza ramri a kharsak ṭhin chungchangah Gaza mipuite dikna chanvo palzutsakah a puh.

Gaza ramri, Erez crossing hi Gaza aṭanga Israel rama ke lut turte tana an kalna kawng awm chhun a ni. Gaza Strip-a an hnathawh ang kha Israel-ah an hlawh a let 10 velin a tam a, hei vang hian Palestinian 18,000 vel chu hnathawk turin nitin Israel-ah hian an kal ṭhin.