China-in US chetdan a dem

China-in US chetdan a dem

China chuan South China Sea-a a thuneihna hnuaia awm mek, thliarkar pakhat bula US-in indo lawng a kaltir chu a dem thu a sawi.

Kar kalta Inrinni khan US indo lawng, missile destroyer USS Curtis Wilbur chu South China sea-a Triton Island bul, kilometre 22 velah kaltir a ni. He thliarkar awmna, Paracels hi China, Taiwan leh Vietnam chuan neitu nih an inchuh mek a ni. Heng ram pathumte hian an tuipui chin nia an chhala lawng lut turte chu a hmaa hriattir lawk zel an phut a ni.

Nikum October thla khan US indo lawng chu China-in Subi Reef-a thliarkar pasarih a siam zinga pakhat bulah kal tir a lo ni tawh bawk.

China Defence Ministry thupuangtu, Yang Yujun chuan Inrinni-a South China Sea-a US lawng kaltir a nih chung≠changah hian thuchhuah siam nghalin, US chuan China dan palzutin, boruak muanawm a awm theihna tura hmalakna a ngai pawimawh tawk lo a ni, a ti. China sipai leh navy lawngte chuan US lawng hi lo hmuin an kalsawn tir nghal niin Yang chuan a sawi.