Emergency pawhsei tum duh loin Paris-ah kawngzawh

France sorkarin nikum November thlaa Paris khawpui≠a pawikhawihna a thlen hnua state of emegency a puan chu pawhsei a tum a, mahse hei hi duh loin Inrinni khan Paris-ah mi tam takin kawng an zawh.

Ruahsur hnuaia kawngzawhnaah hian mi 20,000 vel an tel nia sawi a ni a, state of emergency hnuaia police-te chetdan chu an dikna chanvo rahbeh sakna nia ngaiin puan chhunzawm an duh tawh lo tih an sawi. Paris bakah khawpui dangah pawh kawngzawh hi huaihawt a ni.

State of emergency puan hi February 29-ah a tawp dawn a, mahse Parliament chuan hemi hnuah puan chhunzawm zel a rawt a, February 9 hian Senate chuan vote lain, February 16 ah National Assembly-ah vote lak a ni leh ang.