Liberal Jews-te tana ṭawng- ṭaina hmun siam remti

Israel sorkar chuan Jerusalem-a Western Wall-ah non-Orthodox Jews tana ṭawngṭaina hmun hran siam sak a remti a, he hmunah hian hmeichhia leh mipate chu an ṭawngṭai ho phalsak a ni ang.

Prime Minister Benjamin Netanyahu chuan ṭawngṭaina hran siam chu thutlukna ṭha tak a nh thu leh, hei hian Israel mipuite pawh a tihpumkhat sawt tur thu a sawi. Vote laknaah hian Orthodox Jew-te chuan dodal mah se, sorkar thutlukna siam erawh an pawm thu an sawi.

Orthodox Jew-te rin dan zawmin, Western Wall-ah hian hmeichhia leh mipa tan ṭawngṭaina hmun hran siam a ni ṭhin.

Israel leh North America-a liberal Reform and Conservative Jewish movement leh Women of the Wall (WOW) chuan sorkar thutlukna siam chu lawmawm an tih thu leh, an tana ni chhinchhiah tlak a nih thu an sawi.

Western Wall hi Juda-te tana sakhaw hmun pawimawh tak a ni a, kumtinin khawvel ram hrang hranga Juda-te chu he hmuna ṭawngṭai tur hian an kal ṭhin.