Europe-a pem lut naupang chin hriat loha bo tam

European Union police intelligence unit chuan kum hnih kalta chhung khan Europe rama raltlan lut zinga naupang 10,000 chuang zet chu chin hriat zui lohin an awm niin a sawi. Nikum chhung khan Europe-a raltlan lut zingah kum tling lo, chhungte telloa kal mi 26,000 vel an awm a ni.

Europol chief of staff chuan naupang leh ṭhalaite chu misual pawlin an sal atana an man bakah, mipat hmeichhiat lam hawia khawihchhiat an tawk fo niin a tarlang. Hemi rual hian an zinga tam tak chu an chhungte nen an inhmukhawm leh niin a sawi bawk.

Official-te chuan kum 2015 May thla khan kum khat chhungin asylum reception centre
aṭangin naupang 5,000 vel an bo thu an sawi. Nikum vek khan Sweden chhim lama puitling hruaitu nei lo, raltlan naupang 1,000 vel lut chu a hnu thla khat lekah an chin hriat lohin an bo zui bawk.

Europe-a mi≠hringa sumdawng pawlte chuan raltlan lutte hi remchangah hmangin, an bitum fo nia sawi a ni. Naupang tlafalte hi manin, a ṭhen chu hralh≠in, a ṭhen chu sal atana an chhawr nia an rin thu Europol chuan a tarlang.

Nikum chhung khan Europe-ah hian raltlan makta≠duai khat chuang an lut a, an zinga tam ber hi Syria ram aṭanga tlanchhia an ni.