Spain nightclub-a kangmei chhuakah mi 13 an thi

Spain ram Murcia khawpuia nightclub-ah Pathianni zingkar khan kangmei a chhuak a, mi 13 an thi.

Kangmei chhuahna hmun hi 'Teatre' nightclub, 'Fonda Milagros' tiha hriat ni bawk building chhawng hnih niin, Spain chhimchhak lama Murcia khawpuia awm a ni. Murcia khaw mayor Jose Ballesta chuan zing dar 6 velah kangmei hi a chhuuak tih a sawi a, kangmei chhuak hi a nasa hle tih a sawi bawk.

Kangmei chhuak hi kangṭhelhtu 40 chuang leh kangṭhelh motor 12 hmangin an ṭhelh a, darkark khat chuang hnuah an ṭhelh mit thei a ni. Kangmei chhuakah hian mi 13 an thih bakah mei khu an hip luh nasat avanga harsatna tawk, mi pali an awm bawk a, enkawl mek an ni.