Mexico-a Biak In chimah mi 9 an thi

Mexico hmarchhak lama Tamaulipas state-ah Pathianni khan inkhawm laiin Biak In chung a chim a, mi 10 an thi. Thi zingah hian naupang pathum an tel.

An ram huna Pathianni chawhnu lamah khan Tamaulipas state-a Ciudad Madero khuaa Santa Cruz Biak Inah naupang baptisma chan inkhawm an neih laiin Biak In hi a chim a ni. Chhiatna thlen lai hian Biak Inah hian mi 100 vel an inkhawm a, sacrament ei tura an intlar laiin inchung hi rawn chimin, brick, concrete leh steel structure-te chuan mipuite hi a delh a ni.

Ciudad Madero mayor chuan Biak In chim chhan hi a structure ṭhat tawk loh vang niin a sawi. Ciudad Madero khua hi Gulf of Mexico kama awm niin, mi nuai hnih vel an cheng.

National Guard, Tamaulipas state police, state civil defense office leh Red Cross-te chuan chhanchhuah hna hi an thawk a, hliam tuar mi 50 bawr vel damdawi inah dah an ni.