Russia-ah indonaa tel tura hming pe nuai 3 chuang awm

Russia defence minister Sergei Shoigu chuan Ukraine nena indo meknaah, indonaa tel tura armed force leh voluntary unit-a inpe chu kuminah 3,35,000 chuang an tling tawh niin a sawi.

Russia hian Ukraine nen an indona hian hun rei tak a awh a rin avangin a sipaite tiphuisuiin, ralthuam siam chhuah lam pawh a thuam chak chho mek a ni. Mahse indonaa tel tura inpe hi an tam tawh avangin kuminah chuan sipai lak belh tumna a awm lo tiin Shoigu chuan sipai hotute a kawmnaah a sawi a, 'Armed force lam chuan special military operation neihna tura a mamawh ang zat mi leh sa a nei tawh a ni," a ti. Russia hian Ukraine a run chungchangah hian 'indo' tih ṭawngkam hmang loin, special military operation tiin a sawi zawk ṭhin.

President Vladimir Putin thawhpui ṭha tak, Shoigu chuan ram hmangaihna avanga rawn inpete chu fakawm a tih thu sawiin, lawmthu a hrilh nghal bawk.