UK-a school 8-in vau tawk

United Kingdom-a school pariat chuan Thawhṭanni khan bomb hmanga beiha vauna an dawng a, an zingah hian Pakistan tleirawl, Nobel Peace Prize dawngtu Malala Yousafzai-i kalna school pawh a tel.

Thuneite chuan school hrang hrangte vauna dawn hi an chhui chian nghal thu an sawi.

Vauna tawk school-te hi Birmingham-ah paruk leh Glasgow-ah pahnih an ni a, school building aṭangin naupangte pawh chhuahtir nghal an ni.

Kum 18 mi, Malala-i school kalna, Birmingham-a Edgbaston High School for Girls pawhin Thawhṭanni zing dar 8 vel khan phone call dawngin, an school chu bomb hmanga beihah an rawn vau a ni.

Police-te chuan school hrang hrangte phone-a vautute hi intihderna mai nge tih an chhui mek tih an sawi a, officer-te chuan zirna in hrang hrangte hi uluk takin an endik vek a, thil hlauhthawnawm engmah hmuh an nei lo niin an sawi.