Obama-a'n mosque a tlawh dawn

US President Barack Obama chuan US-a sakhaw zalenna leh inhriatthiam tawnna lantirna kawngkhat atan vawiin hian mosque tlawhin, Muslim hruaitute a kawm dawn.

Obama hian President term hnih a chelh chhunga an rama mosque a tlawhna hmasa ber tur a ni a, rampawn lama a zinchhuahnaah chuan mosques hi a lo tlawh tawh a ni.

White House Press Secretary Josh Earnest chuan, President tan hian Muslim-American-ten ram tana an tha thawhna ropui tak takte lawmpuina hun remchang a nih rualin, America rama sakhaw hrang hrang an zalen thu tihchianna hun remchang tak a ni dawn a ni, a ti.

Josh Earnest chuan, "President hian mosque tlawh hi ram tana thil pawimawh tak niin a ngai a ni. Sakhaw intluktlanna leh zalenna chawisan hi mitin tana thil pawimawh a ni a, he ram innghahna pui ber pawh a ni" tiin a sawi.