Korean mi 100-ten Japan firm khinna an thlawp

Indopui II hunlaia Japan-in hnathawka a chhawr luih, Korean mi 100 chuan Japan 'war criminal' company laka thubuai thehluh chu an thlawp ve leh.

Kum 2015, April thla khan Japan kut tuartu Korean mi 1,004 te chuan company-te lakah hian thubuai an lo thehlut tawh a ni.

Indo laia tihluihna hmanga hnathawk a chhawr leh an chhungte tana rorelna dik phuta beitu, The Asia Victims of the Pacific War Family of the Deceased Association of Korea chuan nimin khan Seoul-ah press conference neiin, an hmalakna thlawptu an neih belh thu hi an sawi.

Advocacy group chuan Japan tihduhdahna tuartu dangte pawh zawnchhuah belh zel an tum thu sawiin, Japan company aṭanga zangnadawmna an hmuh theih ngei theihna tura beih zel an tum thu an sawi a ni.

Indo laia Japan kut tuartute hian Japan firm 70 vel lakah thubuai an thehlut a, an zingah hian Nippon Steel leh Mitsubishi Heavy Industries pawh telin, hnathawka an chhawrna hlawh an pek loh, pechhuak tura an phut hi US dollar maktaduai 90 a tling.