IS beih letna atan US-in dollar tld 7.5 hmang dawn

United States chuan Islamic State (IS) firfiak pawl beihna atana sum ruahman chu tipungin, dollar tluklehdingawn 7.5 a hmang dawn niin Defence Secretary Ashton Carter chuan a sawi.

Washington-a chanchin thar lakhawmtute a kawmnaah, Carter chuan IS beih letna tura kum 2017 budget atan dollar tld 7.5 rawtna chu Pentagon-in a pawmpui thu a sawi a, hei hi kum 2016-a an budget aiin 50% zetin a tam a ni.

Carter chuan Iraq leh Syria rama IS firfiakte laka beihpui an thlaknaah smart bomb leh laser-guided missile rocket an hman nasat avangin heng hmanruate hi an nei tlem tawh a, a dang 45,000 vel siambelhna turin dollar tluklehdingawn 1.8 vel tan invest a ngai a ni, a ti.