Myanmar Upper House session nei House chairman tur an thlang

Myanmar Parliament thar hnuaia Upper House, House of Nationalities chuan nimin khan a vawikhatna atan session a nei ve leh. Thawhṭanni khan Lower House session hmasa ber chu ṭan a lo ni tawh bawk.

Nimina Upper House rorel inkhawm hmasa berah hian Mahn Wng Khaing Than chu house chairman atan thlan a ni. Kum 63 mi, Mahn Win Khaing Than hi Karen minority group member a ni a, kum 1947-a Aung San Su Kyi-i pa thah a nih rual a cabinet minister thah tel tak tupa a ni.

House chairman atana thlan anih hnua thu a sawiah, Khaing Than chuan, "Kan rama remna leh muanna a awm theihna tur te, inpumkhatna a awmna tura dan siam ngaite siam turin theihtawp kan chhuah dawn a ni" a ti a, hnam, sakhua, party leh rinna kawngah inthliarhranna a awm tur a ni lo, a ti.

Arakan National Party-a Ra≠khine hnam aiawh, Aye Thar Aung chu deputy chairman atan thlan a ni bawk.

Thawhṭanni-a Lower House
ṭhukhawm chuan National League for Democracy (NLD) member U Win Myint chu Speaker atan an thlang a, Deputy Speaker atan Union Solidarity and Development Party (USDP) member U Ti Khun Myat thlan a ni bawk.