EU-in Turkey puihna pek a remti

Turkey ramah Syria raltlan an luhbelh reng a, raltlante chhawmdawlna tur hian European Union chuan Turkey ram ṭanpuina atan dollar maktaduai 3.3 pek a remti.

EU chuan Turkey rama ral≠tlante chhawmdawlna ṭha zawk pek an nih chuan EU rama luhbelh tum pawh an tlem phah a rinawm thu a sawi.

Nikum chhung khan EU ram hrang hrangah raltlan maktaduai khat chuang an lut a, heng zinga a tam zawk chu Turkey kaltlanga lut an ni. Turkey leh EU chuan ramri-a khauhkhirhna khauh zawk kalpui a nih theih nan inremna pawh an lo siam tawh a ni.

European Commission Vice President Frans Timmermans chuan Turkey ṭanpuina sum pek tur an pawm thei chu lawmawm a tih thu sawiin, "He ṭanpuina sum hi Turkey rama Syria raltlanten an hmang ṭangkai dawn a ni" a ti a, Turkey thuneituten Syria raltlante ṭha taka an lo dawnsawn dan chu lawmawm a tih thu a sawi bawk.