Trump-an dik lo taka thiltiah Cruz a puh

US President thlanna neih tura party presidential candidate thlangin tunkar tir khan Iowa-ah nomination contest hmasa ber neih a ni.

Iowa-a nomination contest, Iowa caucus neihah hian Republican party candidate zingah media lama thawm nei lian ber, Donald Trump chu a chak zo lo a, pahnihna niin Texas senator Ted Cruz a pha lo a ni. Hetihlai hian primary election neih lehna tur, New Hampshire-a mipui ngaihdan lakah chuan Trump hian hma a hruai mek thung.

Primary election hmasa bera Cruz a hneh loh hnu hian Trump chuan na taka sawiselin, Texas senator chu dik lo taka thiltiah a puh a, Iowa inthlan chu neih ṭhat leh a rawt. Cruz chu Iowa inthlanah a chak lo a, hnehna a rukin a ru a ni, a ti.

Republican presidential candidate chuh tum zingah Ben Carson a inhnukdawk tawh a, Iowa inthlan zawh hnuah Rand Paul pawhin campaign a titawp dawn tih a sawi ve leh. A ni bakah hian Pennsylvania Senartor hlu Rick Santorum pawhin candidate chuh a tumna a tihtawp thu a sawi a ni.