NKorea vangin Japan Airlines-ten kawng an thlak

Japan rama airlines lian pahnihte chuan North Korea-in tun thla tawp lamah missile en≠chhin a tum nia sawi a awm vangin venthawn thilah an kawng an thlak tih an sawi.

All Nippon Airways leh Japan Airlines-te chuan February 8 aṭanga 25 chhungin an thlawhtheihna, Philippines tuipui chunga thlawkte kawng chu an thlak dawn tih an sawi. NKorea-in missile en≠chhin a tum hi Philippines tuipuiah hian a them a tlak rin a ni.

Airlines-ten an kawng an thlak hian Tokyo Haneda airport - Manila, Manila-Narita International Airport, Jakarta-Narita inkara ANA flight leh, Jakara-Narita leh Narita-Manila inkara JAL flight-te a nghawng dawn a ni.

United Nations chuan North Korea hi ballistic missile technology a hman a khapsak tawh a, mahse heti chung hian UN Security Council khapna palzutin ṭum li nuclear test a nei tawh. Thawhlehni khan NKorea hian February 8-25 inkarah long range rocket kahchhuah a tum thu a sawi.

South Korea leh Japan chuan NKorea hi vau lawkin, rocket hi a kapchhuak lui a nih chuan a nghawng let a na hle dawn tih an sawi. SKorea sorkar chuan NKorea-in UNSC hrekna a palzut a nih chuan khawvel ram dangte chona a lantirna a nih tur thu a sawi. Japan Prime Minister Shinzo Abe pawhin NKorea chu dan palzutna lian tak a nih tur thu a sawi bawk.

South Korea Foreign Minister Yun Byung-se chuan nimin khan Seoul-ah US, Japan, EU leh Australia palaite hmuin, NKorea hrekna na zawk pek dan tur chungchang a sawipui. Meeting-ah hian UN Security Council-in NKorea ram hrekna tur resolution a siam sawiho mek bakah, a hrana hrek≠na dang pek belh tur chungchang an sawiho.