Karachi airport bulah Pakistan thlawhtheihna a chesual

Pakistan International Airlines flight  Airbus A320, Lahore aṭanga Karachi pan chu a ṭum hma lawkin a chesual a, he thu buatsaih lai hian thi leh hliam zat hriat a la ni lo.

Thawhtheihna chesuala chuang zat hi report hrang hrang a inang lo hle a, BBC chuan passenger 91 leh crew member 8 an chuang niin a tarlang. Karachi-a Jinnah International Airport bula mihring chenna hmunah a chetsual avangin tualchhung mi pawh thi an awm nuala rin a ni. 

Chetsualna hmunah hian chhanchhuah hna thawktute pawh an thleng nghal a ni. 

Thlawhtheihna hi a ṭumna hmun tur, Karachi thlen hma km 3.2 vela hlaa awm Model Town-ah a chesual a, PIA thupuangtu chuan an ram huna chawhnu dar 2:30 thleng khan air traffice control-te nen an inbepawp tih a sawi.

Thlawhtheihna chetsualna province Sindh chief minister chuan Karachi damdawi-in zawng zawngah emergency a puang nghal bawk.