Afghanistan-a lirnghingah mi 2,000 chuang thi

Afghanistan khawthlang lamah Inrinni khan an ram huna chawhma dar 11 velah magnitude 6.3-a nain lir a nghing a, lirnghingin chhiatna a thlena thi hi nimin thleng khan mi 2,000 chuang an ni tawh.

Inrinnia lir nghinna hmun hi Herat province khawpui aṭanga km 30 vela hla a ni. In tam tak a sawi chhia a ni.

World Health Organisation (WHO) chuan Herat province-ah hian in 600 chuang a chhia niin a sawi a, in chimin a delh mi eng emaw zat la awmin, chhanchhuah hna thawh chhunzawm mek a ni. Herat province hi Afghanistan khawthlang lam, Iran ramri bula awm niin mi mtd 1.9 vel an cheng.

Afghanistan hian lirnghing hi a tuar fo a, nikum June thla khan magnitude 5.9-a naa lirnghing avangin mi 1,000 chuangin nunna an chan a, mi sing tel chuan an chenna in an chan bawk a ni.