Iran-in Nobel Peace Prize dawng tura thlan a sawisel

Iran human rights activist, Narges Mohammadi chu khawvel chawimawina ngaihhlut, Nobel Peace Prize 2023 dawng tura thlan a nih hnuah, Iran sorkar hnuaia news agency, IRNA chuan Mohammadi thlan a nih chungchangah Nobel Peace Prize awarding committee chu a sawisel.

Narges Mohammadi hi Iran hmeichhiate hnuaichhiah leh rahbeh an nih do a, Iran rama mihring dikna chanvo leh zalenna tundin a nih theihna atana beitu niin, tunah hian jail-ah a tang mek a ni.

IRNA chuan Nobel Peace Prize dawng tura thlan a ni chu sawiselin, "Ram danin thiam loh a chantir leh, lung ina tang mek hnenah Nobel Peace Prize hlan hi human rights chungchang politicise-na a ni a, ram inrelbawlnaa inrawlhna a ni bawk a ni," a ti.