US secretary of state-in S Korea leh Mongolia zin tur ṭhulh

US Department of State chuan US secretary of state Mike Pompeo-a'n Japan, South Korea leh Mongolia ram a tlawh dawn thu lo puang tawh a, mahse an ram president Donald Trump-a'n Covid-19 a kai avangin kar liam ta Inrinni khan S Korea leh Mongolia a tlawh tur chu a ṭhulh leh tih a puang.

US Department of State-in a tarlan dan chuan October 4-8 chhung hian Pompeo chuan Japan, South Korea leh Mongolia ram a tlawh dawn a, heng ram a tlawh tum chhan hi Covid-19 chungchang vang leh Hong Kong leh South China Sea chungchanga China hmalakna US-in ṭha a tih loh vang nia sawi a ni. China-in a ram hnaih leh a chhehvel a rum ṭhaih chungchangte thlithlai turin a zin dawn a ni.

Pompeo hian nimin khan Japan a tlawh a, naktukah a haw leh nghal ang. Department of State chuan October thla chhung hian Asia ram chu Pompeo hian a tlawh leh ngei dawn tih a sawi.