Nobel Economics 2023 dawng turin Claudia Goldin thlang

American economic historian leh labour economist Claudia Goldin chuan 2023 Nobel Economic Prize dawng tura thlan a ni. Heti hian 2023 Nobel Prize dawng turte chu puan kim an ni ta a ni.

Royal Swedish Academy of Sciences chuan Claudia Goldin hi hmeichhiate leh mipate hlawh intluktlan loh chungchanga a zir chianna leh, labour market-a mipa leh hmeichhiate inkara inthliarna awm chhan ber a haichhuah avanga he chawimawina dawng tura thlan a nih thu a sawi.

Kum 77 mi, Goldin hi Harvard University-ah Economics professor a ni mek a, hmeichhe zinga Nobel Economic Prize dawng thei pathumna tur a ni.