IMF leh World Bank-in Africa-ah meeting nei

International Monetary Fund (IMF) leh World Bank chuan annual meeting chu Thawhṭanni aṭang kha Morocco-ah an nei a, hei hi kum 50 chhunga Africa rama meeting an neihna hmasa ber a ni.

IMF leh World Bank hian Washington-a an headquarters pawn lamah, kum thum danah annual meeting hi an nei ṭhin a, he hunah hian finance minister leh central bank governor-te an tel ṭhin. Africa rama meeting an neih hnuhnun ber chu kum 1973 daih tawhah khan niin, hemi ṭum hian Kenya ramah an nei.

Kumina annual meeting hi Morocco-a Marrakesh khuaah neih a ni a, kum 2021-a neih tura ruahman kha ni mah se, Covid hripui leng avangin an sawn a ni. Thla hmasa lawk khan Marrakesh bialah lirnghing avang hian mi 3,000 dawn an thi a, hei vang hian meeting neih tur pawh a nghawng rin a ni a, mahse, Morocco sorkar chuan ruahman lawk anga kaltlangpui a thlang ta zawk a ni.