PM-in Asian Games-a tel India infiammite kawm

Prime minister Narendra Modi chuan Asian Games 2022-a India aiawha tel infiammite chu nimin tlai dar 4:40 khan New Delhi-a Major Dhyan Chand Stadium-ah a kawm tih Prime Minister's Office (PMO) chuan a puang.

India infiam mite hian Hangzhou, China-a Asian Games 2022 neih zawh takah khan medal 107 hawnin, 2018 Jakarta-a Asian Games neih ṭuma an medal hawn 70 chu an khum a ni. Nimin tlaia PM Modi leh Infiammite inkawmnaah hian India aiawha Asian Games-a telte bakah, an coach te, Indian Olympic Association hruaitu te, National Sports Federation aiawh te leh Ministry of Youth Affairs and Sports aṭangtein an tel bawk a ni. India hian Asian Games 2022-ah hian gold medal 28, silver medal 38 leh bronze medal 41 a la.