Sentut vangin Congo-ah 6000 chuang an thi tawh

World Health Organisation (WHO) chuan Democratic Republic of Congo (DRC)-ah sentut vangin mi 6000 chuang an thi tih an tarlang. 

Nikum aṭang khan DRC-ah hian mi 3,10,000 vel sentut natna vei report thehluh a ni tawh a, WHO chuan sentut  hri tihrehna tura ṭanpuina hmuh ṭhat a nih loh avangin natna hrik hi a darh nasat phah hle tih an sawi. WHO chuan an agency leh an thawhpui pawl hrang hrangte chuan Congo naupang, kum nga hnuailam maktaduai 18 chu sentut danna hmangin an chiu tawh tih sawiin, hetichung hian naupang tam zawk chuan natna danna hi an la dawng lo tih an sawi a ni.

Sentut vei zawng zawng zinga 25% hi naupang kum nga hnuai lam an ni tih tarlangin, WHO chuan ṭanpuina hi mi mtd 27.6 zetin hmu tawh mah se naupang kum ruk leh kum 14 inkar zawng zawng pe tur chuan mi maktaduai 40 bawr hnenah pek an la ngai dawn tih an sawi bawk.