Afghanistan-ah lir a nghing nawn leh

Afghanistan ramah kar liam ta Inrinnia magnitude 6.3-a naa lir a nghin avangin mi 2,400 chuang an thi a, chenna in tam tak an chhe bawk. Chhiatna nasa tak an tawrh aṭanga ni rei lo, nimin zing khan magnitude 6.3-a na bawkin lir a nghing nawn leh.

Nimin zinga lirnghing inṭanna Heat province khawpui hi Herat aṭanga hla vak lo a ni a, lirnghingin chhiatna a thlenah hian mi 100 chuang a hliam a ni. Chhiatna thlen dan report kimchang hi hriat a la ni lo a, Herat Governor office chuan khawpui chhehvel bialah in eng emaw zat a chhia niin a sawi. Herat-Torghundi highway pawh leiminin a hnawh bawk. Chhalak khuaa in 700 chu a chim vek nia sawi a ni.

October 7-a lirnghing hian mi 12,000 vel a nghawng a, lirnghing tuarte chhanchhuah leh chhawmdawl hna hi thawh mek zel a la ni. He lirnghingah hian thingtlang khaw 20-a in 2,000 vel a chhia niin Afghanistan-a rorel lai, Taliban chuan an sawi.