Myanmar chhim lamah tui a lian

Myamnar chhim lam, Bago bialah kar liam ta aṭanga ruah nasa taka a sur avangin tui a lian a, tuilian tuar mi 10,000 chuang chu hmun dangah an insawn chhuak tawh niin official-te chuan an sawi.

Ministry of social welfare, relief and resettlement official, Lay Shwe Zin Oo chuan ruah sur vang hian Bago khawpuia hmun hniam laiah tui a lian nasa hle tih a sawi. Tuilian avanga nunna chan an awm erawh hriat a la ni lo a, mahse, mi 10,000 chuang chuan an chenna in an chhuahsan tawh.

Bago khuaa ruah sur hi Pathianni khan inches 7.87 a tling a, kum 59 chhunga a sur nasat ber a nih thu Myanmar Meteorological Department chuan a sawi. Tuilian tuarte awm lailawk nan hian relief camp-te siamin, school leh Buddhist monastery-ahte an awm bawk. Heng hmuna awmte hi thuneitute chuan ei tur leh tui in tur te, an mamawh dangte an pe a ni.