Swedish court-in Greta Thunberg pawisa chawitir leh

Swedish climate activist Greta Thunberg chu police thupek a zawm duh loh avangin thiam loh chantir a ni a, court-in pawisa chawi turin a ti. Hei hi thla thum chhunga hrem a nih ṭum hnihna a ni.

Kum 20 mi, Thunberg hi July 24-a climate protest an neihna hmun chhuahsan tura police thupek a zawm duh loh avangin Swedish crown 4,500 (USD 414) chawi tura tih a ni a, he thubuai ngai vekah hian a hmain Swedish crown 1,500 chawitir a lo ni tawh bawk.

Kumin July 24-a khan Thunberg leh environmental group, Reclaim the Future-a activist-te chuan nawrh hi huaihawtin, Malmo harbour-a oil truck tlan luh turte chu an dang a ni. Police-te'n nawrh tihtawp tura thu an pek an zawm duh loh avangin, tihluihna hmangin nawr chhuah an ni.

Sweden ramah hian police thupek zawm duh lo hi sum chawitir bakah, thla ruk thleng lung in tantir theih an ni bawk.