Taiwan lirnghing-ah mi 23 an thi

Taiwan chhim lamah kar kalta Inrinni zing dar 4 khan magnitude 6.4-a nain lir a nghing a, mi 23 an thi, mi dang tam takin hliam an tuar.

Lirnghing hi Taiwan khawpuiin a tuar na ber a, khawpui chhunga in chhawng 17-a sang chu lirnghingin a sawi chim avangin mi tam tak a chim hnan a, in chim
aṭang hian mi 171 chhanchhuah ni tawhin, mi 100 chuang an la tang mek tih nimin khan a sawi. Mi 171 chhanchhuah zinga mi 90-te chu an hliam a nat deuh avangin damdawi-inah enkawl nghal an ni bawk.

Nimin khan in chimin a delhte chhanchhuah hna hi thawh chhunzawm a ni. He in chim hi Wei Kuan complex a ni a, mi 250 vel an cheng.

Nepal ramah pawh richter scale 5.5-a nain lir a nghing leh a, mi 66 in hliam an tuar a, mahse thil tihchhiat lian tham a neih hriat a ni lo. Lirnghing hi an ram khawpui, Kathmandu hmarchhak lam, km 55 vela hla Sindhupalchowk district
aṭanga inṭan a ni.