Kraws lakthlak duh lotu kohhran hotu man

China-in biak-in kraws intar lakthlakna tur dan a siam sawisel a, dodaltu Protestant kohhran hotu Rev Gu Yuese chu Inrinni khan Zhejiang province-ah an man.

Rev Gu hi Chongyi kohhran-a pastor hna thawk ṭhin a ni a, amah thlawptute chuan sorkarin biak-in kraws tarte dah bo tura thupek a tihchhuah a dodal avangin thuneituten an man ta niin an sawi. Gu hi Hanzhou detention centre-ah dah a ni a, a aiawhtu hian pastor thar Zhang Zhongcheng chu sorkarin a ruat nghal.

Zhejiang province-ah hian nikum aṭangin thuneitute chuan biak-in kraws tar za chuang zet an la thla tawh a, hei hi mipuite himna tur ngaihtuah vanga ti niin an insawi.

China ramah hian Kristian maktaduai 100 vel an awm tling tawh nia chhut a ni a, hei hi rorellai Communist party member maktaduai 88 aiin an tam tawh zawk a ni. Hetihlai hian sorkar lam chuan Kristian hi maktaduai 30-50 vel chauh an nih thu an tarlang thung.