Colombia-a mi 3,000 chuangin Zika virus kai

Latin America leh Caribbean rama leng mek, Zika virus chu Colombia rama naupai 3,100 ten an vei tih hmuhchhuah a ni.

Colombia President Juan Manueal Satnos chuan an ram pumah Zika virus vei hi mi 25,645 an awm a, an zingah hian naupai lai 3,100 an awm a ni, a ti. Naupai laia Zika virus an vei chuan an fa hrin chu pianphung pangngai aia lu leh thluak te, microcephaly in an piang thei a ni. Mahse Colombia ramah nau piang thar zingah microcephaly hi an la awm lo niin President chuan a sawi.

President Santos chuan hri leng darh chak dan thlirin, kumin chhungin an ramah mi 600,000 velin Zika virus hi an kai rin a nih thu a sawi bawk.

Kar kalta Zirtawpni khan Zika virus vangin mi pathum an thi tih health official-te chuan an sawi a, midang paruk pawh Zika virus vanga thi an ni em tih chhui chian mek a ni. Colombia national health institute-a director, Marth Luci Ospina chuan hri leng vanga thi hi an pun chhoh a rin thu a sawi.

Colombia ram hian Zika virus thlentu thosi tihrem tumin beipui a thlak mek a ni.