Twitter-in account 125,000 chuang a kharsak

Twitter Inc chuan Islamic State (IS) firfiak pawl nena inzawmna nei nia hriat account 125,000 chuang chu kum 2015 aṭang khan a kharsak tawh.

Twitter chuan account hi a hmangtu dangten an report chauhin enfiaha kharsak a niṭhin tih an sawi a, mahse report hrang hrang lutte endiktu tur monitoring team hi tilianin, rang zawkin report lutte pawh an enfiah thei tawh tih a sawi.

IS firfiak pawl hian an pawl chanchin thehdarh leh mi thar thlemna atan social media site-te an hmang ṭangkai hle a, hei vang hian company-te pawh hian firfiak kaihhnawih thil thehdarh kawngah khauh zawka hma la tura nawr an tawk fo tawh a ni.