Afghanistan-ah lir a nghing leh

Afghanistan ram hmarthlang lam, Herat province-ah nimin zing khan magnitude 6.3-a na in lir a nghing leh. Minute 20 hnuah aftershock, magnitude 5.5-a nain a thleng leh bawk. Hei hi tun thla chhunga Herat province-ah lirnghing na tak a thlen ṭum thumna a ni.

October 7 khan Herat province khawpui aṭanga km 28 velah magnitude 6.3-a na in lir a lo nghing tawh a, chhiatna nasa tak a thleng a ni. October 13 khan magnitude 6.3 veka nain he province-ah hian a nghing nawn leh bawk a ni.

OCHA Afghanistan chuan October 7-a lirnghing vanga thi hi mi 1,384 an tling tawh a, hliam tuar 1,853 an awm bawk niin a tarlang. Thi zinga 90% hi hmeichhia leh naupang an ni. October 11-a lirnghing hian chenan in tam tak bakah, school leh health clinic-te a tichhe bawk.

Nimin zinga lirnghing vang hian mi pakhat a thi a, hliam tuar 100 chuang an awm. Chhiatna a thlen dan kimchang hi hriat theih a la ni lo