South Africa President in chungchang Court-in rel dawn

South Africa President Jacob Zuma chu Nkandla-a a chenna in chei ṭhat nan state fund dollar maktaduai 23 zet a hman chungchang chu court sang berin a ngaihtuah dawn.

Kum 2014-a anti-corruption in report a tihchhuahah, President Zuma hian a in cheiṭhatna tur state fund a hman aṭang hian mimalin hlawkna tam tak a tel niin an sawi. Zuma in cheiṭhatah hian swimming pool, bawng vulhna hmun leh amphitheater-te dah belh a ni.

Report tihchhuah hnu hian Zuma hian a sum hmanral zinga ṭhenkhat chu pek kir leh tum mah se, Constitutional Court ngaihtuah tura dah a ni ta zawk a ni.

President Zuma chuan venhimna lam tiṭhatna turin a in thuam ṭhat hi a ngai niin a sawi a, ministry of police pawhin President in cheiṭhat a nih danah thil dik lo engmah a awm lo niin a sawi bawk.