Germany-a rel insu-ah mi 10 an thi

Germany chhim lamah Thawhehni khan rel pa≠hnih an insu a, mi 10 an thih bakah midang 81 chuangin hliam an tuar. Hliam tuar zinga mi 18-te chu an dinhmun a ṭha lo hle.

Rel insutna hmun Austria ramri bul, Bavaria biala Bad Aibling leh Kolbermoor khaw inkarah a ni. Helicpoter hmangin rel-a chuangte chhanchhuah hna hi thawh nghal a ni.

Rel pahnihte hi station-a rel kawng inṭhenna laia inpel tur an ni a, kawng khat zawha an insu tur vengtu atana safety system dahin hna a thawh loh chhan pawh chhuichian a nih tur thu thuneitute chuan an sawi. Rel pahnihte hi kawng kual laiah na takin an insu a, an engine-te pawh a chhe hneh hle a, rel kawng sira car awmte pawh an chhe tel a ni.

German rail operator Deutshe Bahn chuan, 'Thawhlehnia rel insutnna bula safety sytem dahte chu kar kalta khan enfiah vek an ni tih a sawi a, black box data aṭangin thil thlen dan chu chhui chian a ni dawn' tih a sawi.