US Senate-in NKorea hrek belhna tur bill pass

US Senate chuan North Korea chu nuclear leh missile a enchhin leh avangin hrekna na zawk siamna tur bill a pass.

North Korea hrek-na na zawk pekna tur bill hi Senate mem-ber-te chuan lungrual takin an pass a, hrekna an siam belh zingah hian NKorea nuclear programme-a inhnamhnawihte hrekna tur pawh telh a ni. An thil neih khawih chet theih loha dah sak te, visa pek khap leh sorkar contract pek khapna turte a tel.

NKorea hian Janua-ry thla khan hydrogen bomb hlawhtling taka a enchhin thu a sawi hnuah, Pathianni khan satellite phurtu rocket chu a kapchhuak leh a ni. A thiltih hi ram hrang hrangten an dem thu sawiin, United Nations Security Council-in a hrek mekna a palzut avangin na takin an sawisel a, hrekna na zawk siam turin an phut a ni.

UN resolution palzut a, N Korea-in rocket a kahchhuah luih avangin South Korea nena industrial park an siam dunah SKorea hnathawkte chu hun eng emaw chen an lo chawl tawh bawk. Kaesong industrial park khar hi NKorea chuan sum a lakluhna kawngah a tawrh phah dawn hle a ni.