Christie leh Fiorina-te an inhnukdawk

US President thlanna neih tura Republican party presidential candidate chuhtu zingah Christ Christie leh Carly Fiorina-te chu an inhnukdawk ve leh ta.

Tunkar tira New Hamp-shire primary election neihah khan New Jersey Governor Chris Christie chu parukna a ni. Nilaini zan khan Morristown, New Jersey-a a campaign headquarters-ah a staff te hmuin, campaign tihtawp a tum thu hi a hrilh a ni. Kar lehah South Carolina primary election neih tur atana ruahmanna an lo siam tawhte pawh ṭhulh nghal vek a ni.

Republican candiate dang, Carly Fiorina-i pawhin social media kal-tlangin a campaign a tihtawp thu a sawi. Fiorina-i hi Hewlett-Packard chief executive hlui a ni a, New Hampshire inthlanah khan vote 4% chauh a hmu.

Facebook-ah candi-date aṭanga a inhnuhdawh thu sawiin, Fiorina-i c huan, " Candidate aṭangin inhnukdawh mah ila, ka theihtawpin kan ram tan hian ka thawk chhunzawm zel dawn a ni" a ti.