Nigeria-a bomb puakah mi 60 an thi

Nigeria hmarchhak lama Dikwa khua-ah hmeichhe pahnihin thihchilh bomb an tipuak a, mi 60 an thi a, mi dang tam takin hliam an tuar.

Bomb puahna hmun hi Borno state khawpui aṭanga km 85 vela hla a ni a, Boko Haram helho pawikhawihna avanga tlanchhiate awmkhawmna camp-ah tihpuah a ni. Bomb hi Thawhlehni zan khan tihpuah ni mah se, inbiak pawhna hmanruate tihchhiat vek a nih avangin he pawikhawihna thleng hi hriat mai a ni lo tih official-te chuan an sawi.

Emergency official leh sipaite chuan bomb tipuaktu, hmeichhia pahnihte hi camp chhungah lutin, mipui awmkhawmna laiah an bomb pai chu an tipuak ta niin an sawi. State Emergency Management Agency chairman, Satomi Ahmad chuan mi 76 in hliam an tuar tih a sawi.

Eng pawl mahin camp beitu an nih thu hi an la saiw lo a,mahse Boko Haram helho tih nia rin a ni.