Brazil-in kum khat chhungin Zika vaccine siam beisei

Brazil health official-te chuan kum khat chhungin Zika hridanna, vaccine siam hman an beisei tih an sawi. Zika virus enkawlna damdawi leh a hridanna hi a la awm lo a ni.

Brazil hi Latin Ame≠rica leh Caribbean rama leng mek Zika virus tuar nasa ber a ni a, nikum October thla aṭang khan Zika virus-in a thlen nia ngaih, pianphung pang≠ngaia aia nausen lu leh thluak te, microcephaly hi 4,000 chuang an awm tawh a ni. Brazil chuan Zika virus leh microcephaly hi a inzawm ngei em tih zirchiang turin US Centres for Disease Control and Prevention nen an thawkdun dawn tih a sawi.

Zika virus hi a darh chak avangin World Health Organization (WHO) pawhin khawvel pum tan pawha buaipui tham nia ngaiin public health emergency a lo puang tawh bawk. Offi≠cial≠-te chuan," Zika virus hi kumin chhung≠in mi mak≠ta≠duai 1.5 velin an kai hman rin a nih thu" an sawi.

Brazil Health Minister Marcelo Castro chuan," Zika vaccine siam tumin theihtawp kan chhuah dawn a, he hna hi Brazil-a Evandro Chagas Institute leh US-a University of Texas-ten an thawh tur thu leh thla 12 chhunga an peihfel theih beisei a nih thu" a sawi. "Vaccine siam tur hian hun a duh rei dawn tih kan hria, mahse, rang zawka siam theih dan kan zawng dawn a ni" a ti. Brazil sorkar chuan he project atan hian dollar matkaduai hnih a dah a, US lamin sum a dah tur zat hi puan a la ni lo.