Pope-in Mexico a tlawh

Roman Catholic Kohhran hotu, Pope Francis chuan kar kalta Inrinni khan Mexico a tlawh a, National Palace-ah Mexico President Enrique Pena Nieto nen an inhmu. NImin khan Mexico City khawdai, Ecatepec-ah mass a buatsaih.

Pope Francis hi pope ni tawh zinga Mexico National Palace chhunga lut hmasa ber a ni. John Paul II leh Benedict XVI-te pawh khan Mexico hi an lo tlawh tawh a, mahse palace-ah hian kal tura sawm an ni ve lo.

Mexico hi Brazil dawtah khawvela Catholic tamna ber ram a ni a, mahse kum 1992 aṭang chauh khan Catholic hmunpui, Vatican nen palai an intir tawn a ni.

Pope Francis chuan President Pena Nieto leh a kaihhruai sorkar chu eirukna do tura theihtawp chhuah turin a ngen a, Mexico bishop-te pawh an rama ruihhoa sumdawnna hluar zelte dodal tura ṭan la turin a fuih. Mexico ramah hian ruihhlo-a sumdawng pawl hrang hrang an tam hle a, ruihhlo kaihhnawiha pawikhawihna thlengah kum 10 kalta chhung khan mi nuakhat chuang an thi a ni.