China-ah Russia President Putin a zin

Russia president Vladimir Putin chu Thawhlehni khan China-ah a zin a, nimin khan China president Xi Jinping nen meeting an nei.

Hague-a International Criminal Court (ICC) in kumin March thlaa Putin manna tur thupek a tihchhuah hnuah, Putin hi ram pawn lama a zin chhuah ṭum hnihna a ni. Tun thla tir lam khan Kyrgyzstan a lo tlawh tawh bawk. Thawhlehni zing khan Beijing Capital International Airport-ah ṭumin, China commerce minister Wang Wetao chuan a lo dawngsawng a ni.

China hian Belt and Road Forum for International Cooperation vawi thumna chu nimin aṭang khan a huaihawt a, a hawnnah hian President Xi chuan thu sawiin, Putin pawh forum chief guest a nih angin thu a sawi ve bawk. Hemi hnu hian ram hruaitu pahnihte hian meeting an nei zui a ni. Putin hian nikum February thla Beijing Winter Olympics neih ṭum khan China hi a lo tlawh tawh bawk.