Pakistan court-in Imran Khan puhna ngaihtuah hun sawn

Pakistan special court chuan an ram thuruk tiput rua, national secret law bawhchhiaa prime minister hlui Imran Khan leh a thawhpui, Shah Mahmood Qureshi-te puhna chungchang ngaihtuah hun chu October 23-ah a sawn.

Pakistan Tehreek-e-Insaf (PTI) hruaitu, Imran Khan hian Prime Minister a nihna aṭanga paihthlak tuma phiarruk a nih leh sorkar thuruk dahna document hi a lo pholang tawh. PTI chuan he document-ah hian US-in Imran Khan kaihhruai sorkar paihthlak tuma a vau dante a lang niin an sawi.

Secret law bawhchhiaa puhna chungchang hi a ruka ngaihtuah tura Khan ngenna chu Islamabad High Court chuan a hnawl hnuah, sorkar chuan Rawalpindi-a Adiala Jail-ah pawn lam mite tlawh pawh loha ngaihtuahna tur special court hi a din a ni.