Australia police-ten dollar mtd 900 man Meth man

Australia Police-ten dollar maktaduai 900 man methylamphetamine an man. Meth hi silicon bra chhunga dah a ni a, Australia ram lakluh an tum laiin an man a, ṭum khata ruihhlo an man tam ber a nih thu an sawi.

Hong Kong passport nei mi pali-te chuan thla hmasa khan ruihhlo, Austra≠lia rama 'ice' tia hriat liter 720 (gallon 190) chu China aṭangin Australia ramah hian lakluh an tum laiin an man a ni. Police-te chuan a ice an man hi cystan meth kg 500 el siam theihna tur a nih thu an sawi. Meth siamna tur bakah a siamsa pawh kg 2 an man tel bawk a ni.

Justice Ministr Michael Keenan chuan Australian Federal Police leh China National Narcotics Control Commission-te thawhdunna aṭangin ruihhlo hi an man thei niin a sawi. Ram pahnihte hian nikum November thla khan methamphetamine tawlhruk ṭhin veng tura thawkdun turin joint task force an lo din tawh a ni.

Ruihhlo kengtu mi pali an mante hi thla thar hian Sydeny court-ah hruai a ni ang a, thiam loh chantir an nih chuan damchhung tang tura hrem theih an ni.